ICT week – 2025

ICT week – 2025

Аз 7 то 10 апрели соли 2025 дар шаҳри Душанбе ICT week – 2025, ки аз ҷониби Агентии инноватсия ва технологияҳои рақамии назди Президенти Ҷумҳурии Тоҷикистон дар якҷоягӣ бо Мақомоти иҷроияи ҳокимияти давлатии шаҳри Душанбе ва дигар шарикон ташкил карда мешавад, баргузор мегардад.

ICT week – 2025 як чорабинии муҳимест, ки барои пешбурди технологияҳои иттилоотӣ, инноватсия ва рақамисозӣ дар Тоҷикистон ташкил карда шудааст. Он мутахассисон, соҳибкорон, ниҳодҳои давлатӣ ва коршиносони IT-ро барои табодули таҷриба, омӯхтани технологияҳои нав ва таҳияи ташаббусҳои нав барои беҳтар кардани инфрасохтори рақамии кишвар муттаҳид менамояд.

Дар ҳафта презентатсияҳо, семинарҳо ва дарсҳои мастер-классҳо, муҳокимаҳо оид ба масъалаҳои мубрами рақамӣ, инноватсия ва стартапҳо, инчунин намоишгоҳҳои технологӣ, ки дар он шумо метавонед маҳсулот ва роҳҳои ҳалли навро бубинед.

Чорабинӣ ба такмили дониш ва малакаи мутахассисон мусоидат намуда, барои ворид шудан ба тамоюлҳои ҷаҳонии рақамӣ мусоидат мекунад.

7 апрели соли 2025 бо ташаббус ва дастгирии бевоситаи Раиси шаҳри Душанбе, мӯҳтарам Рустами Эмомалӣ ифтитоҳи ботантанаи IT-парк баргузор гардид, ки ваъда медиҳад, ки марҳалаи муҳими рушди технологии шаҳр ва тамоми кишвар мегардад.

IT Park платформаи инноватсионӣ мебошад, ки дар он барои стартапҳо, ширкатҳои IT ва соҳибкорони технологӣ шароити мусоид фароҳам оварда мешавад. Он фазои муосири лабораторияҳо, иншооти таълимӣ ва конфронсҳо, инчунин хидматрасонӣ барои рушди ғояҳои тиҷоратӣ, аз ҷумла менторӣ, машварат ва дастрасӣ ба захираҳои заруриро фароҳам меорад.

Чорабинии мазкурро метавон як қадами муҳим дар самти таҷдиди технологии кишвар арзёбӣ кард, ки ҳам барои иқтисодиёт ва ҳам барои беҳбуди инфрасохтори инноватсия, таълимӣ ва иҷтимоӣ таъсири мусбат мерасонад.

Раиси шаҳри Душанбе, мӯҳтарам Рустами Эмомалӣ дар маросими ифтитоҳи нахустин IT парк дар Ҷумҳурии Тоҷикистон дар ин чорабинӣ иштирок намуда, аз намоишгоҳе дидан намуданд, ки дар он намояндагони сохторҳои гуногуни давлатӣ ва бахши хусусӣ лоиҳаҳои муваффақи худро намоиш доданд.

Дар ин Намоишгоҳ намояндагони КВД «Шаҳри ҳушманд (Smart city)» -и Мақомоти иҷроияи ҳокимияти давлатии шаҳри Душанбе низ иштирок намуда, лоиҳаҳои муваффақи худро дар самти рушди инноватсионии инфрасохтори шаҳри Душанбе муаррифӣ намуданд.

Инчунин, дар доираи ҷаласаи панелии «IT майдончањо ва имкониятҳои онҳо» намояндагони КВД «Шаҳри ҳушманд» дар бораи фаъолияти худ маърӯза намуда, дар муҳокима бо ҷонибҳои манфиатдор ширкат варзиданд.

Чорабинӣ ҳамчун платформаи табодули таҷриба ва ғояҳо дар соҳаи технологияҳои IT хизмат кард.

Илова кунед