17 сентябри соли 2025 дар бинои КВД «Шаҳри ҳушманд (Smart city)» — Мақомоти иҷроияи ҳокимияти давлатии шаҳри Душанбе рунамои марҳилаи дуюми лоиҳаи «Шаҳри бехатар» барои сохторҳои қудратии шаҳри Душанбе баргузор гардид.
Дар доираи рунамо намояндагони ширкати «Huawei» ҳалли технологияҳои муосирро муаррифӣ намуданд, ки ба баланд бардоштани сатҳи амният ва табдили рақамии муҳити шаҳрӣ равона шудаанд.
Рунамо ҷанбаҳои калидии рушди инфрасохтори шаҳрро дар бар гирифт, аз ҷумла системаҳои интеллектуалии назорати видеоӣ, платформаи марказонидашудаи идоракунии ҳодисаҳо, технологияҳои таҳлили маълумоти бузург ва зеҳни сунъӣ барои пешгӯӣ ва пешгирии таҳдидҳо, инчунин ҳамгироӣ бо сохторҳои қудратии шаҳри Душанбе.
Намояндагони «Huawei» таъкид карданд, ки ҳалли марҳилаи дуюм на танҳо ба густариши имкониятҳои техникӣ, балки ба баланд бардоштани самаранокии ҳамкорӣ байни сохторҳои шаҳрӣ ва беҳтар кардани сифати зиндагии сокинони Душанбе равона шудааст.
КВД «Шаҳри ҳушманд» аҳамияти татбиқи технологияҳои пешрафтаро барои таъмини рушди устувор ва бехатари пойтахт зикр намуд.
Тарҷумаҳо: 
Руcский
Viber, 
Telegram, 
Facebook
VKontakteИлова кунед
