28 июн дар ҳокимияти шаҳри Тошкент вохурии муовини ҳоким Сардор Абдуллоев ва директори Корхонаи воҳиди давлатии “Шаҳри ҳушманд”-и мақомоти иҷроияи ҳокимияти давлатии шаҳри Душанбе Самадзод Саъдӣ Хайрулло баргузор гардид.
Дар вохурӣ мутахассисони соҳаи IT аз ҳарду ҷониб ширкат варзиданд. Дар ҷараёни мулоқот қайд карда шуд, ки Тошкенту Душанбе нақшаю вазифаҳои шабеҳ ва инчунин дурнамои бузурги рушди ҳамкорӣ доранд.
Намояндагони ҳокимият дар бораи лоиҳаи “Тошкенти рақамӣ” ва ҷузъҳои он: геопортал, панели таҳлилӣ ва панели идоракунӣ, баҳисобгирии дороиҳои мунисипалӣ, инчунин харитаи электронии шаҳр дар бораи параметрҳои гуногуни он (садамаҳои роҳ, сӯхтор, мактабҳо ва ғайра) гузориш доданд.
Дар навбати худ меҳмонон дар бораи татбиқи барномаи рӯзномаи электронии дар мактабҳои шаҳри Душанбе, бо назорати мониторинги вуруд ва хуруҷи хонанда аз муассисаи таълимӣ ва ирсоли SMS – пайёмак ба волидон маълумот доданд.
Ҳамкорӣ дар соҳаҳои идоракунии нақлиёти шаҳрӣ, ҷамъоварӣ ва коркарди партовҳо ва пардохти электронии ин хизматрасониҳо таваҷҷуҳи тарафайнро ҷалб намуд.
Ҷонибҳо ба мувофиқа расиданд, ки мубодилаи гурӯҳҳои кориро барои ҳамкории зичтар аз рӯи як қатор маҷмӯи масъалаҳо анҷом диҳанд.
Ҳайати шаҳри Душанбе роҳбарияти шаҳри Тошкентро барои иштирок ба “Форуми пойтахтҳои СҲШ”, ки 6 сентябр дар шаҳри Душанбе баргузор мегардад даъват намуданд.
TASHKENT.UZ Хабар медиҳад.
Тарҷумаи ғайрирасмӣ
Тарҷумаҳо: 
Руcский
Viber, 
Telegram, 
Facebook
VKontakteИлова кунед
