Намояндагони КВД “Шаҳри ҳушманд” дар Саммити Осиёи Марказӣ–2025, ки дар шаҳри Гулистон баргузор мегардад, таҳти унвони “Молияи инноватсионӣ — имкониятҳо тавассути фарогирӣ ва гендер иштирок доранд.”

22–23 сентябри соли 2025 дар шаҳри Гулистони вилояти Суғд, дар Маркази таълимии Бонки миллии Тоҷикистон, воқеъ дар соҳили обанбори Қайроқум, Саммити Осиёи Марказӣ–2025 таҳти унвони “Молияи инноватсионӣ: имкониятҳо тавассути фарогирӣ ва гендер” идома дорад.

Мақсади асосии саммит омӯзиш ва муҳокимаи масъалаҳои муҳиму мубрами минтақаи Осиёи Марказӣ, инчунин мубодилаи таҷриба дар мавзӯъҳои зерин мебошад:

“Нақши бонкҳои марказии миллӣ дар дастгирии соҳибкории занон ва ҷавонон”
“Фарогирии молиявии занон ва ҷавонон дар тиҷорат: монеаҳо ва имкониятҳо”
“Занон ва ҷавонон дар маркази рушди устувор: ҷалбшавӣ ба рӯзномаи ESG”
“Густариши уфуқҳои рақамисозӣ: занон ва ҷавонон дар инноватсияҳои финтех”
“Технологияҳои имкониятҳои баробар: финтехи рӯзи фардоро кӣ ташкил медиҳад?”
“Рушди малакаҳои молиявӣ барои насли нав ва занони соҳибкор”
“Огоҳии молиявӣ ва рақамӣ – ҳамчун қадам ба сӯи имкониятҳои баробар”

Рӯзи дуюми саммит ба баргузории мастер-классҳо ва нетворкинги иштирокчиён бахшида мешавад. Ҳамзамон, мавзӯъҳо ва модераторони мастер-классҳо мавриди муҳокима қарор хоҳанд гирифт.

Саммити мазкур ҳамчун платформаи босамар барои муҳокима ва ҳамоҳангсозии амалҳои мақомоти давлатӣ, бонкҳои марказии миллӣ, ҷомеаи донорҳо, сармоягузорони хориҷӣ, соҳибкорон, намояндагони созмонҳои ғайридавлатӣ ва таъминкунандагони хизматрасониҳои тиҷоратӣ, инчунин намояндагони сохторҳои молиявии кишварҳои наздик ва дур (Осиёи Марказӣ) хизмат мекунад.

Илова кунед